മേപ്പാടി: രക്ഷാദൗത്യത്തിൻ്റെ ഭാഗമായി സൂചിപ്പാറയിൽ സൈന്യം തിരച്ചിൽ തുടങ്ങി. ഹെലികോപ്റ്ററിലെത്തി എയർ ഡ്രോപ് ചെയ്താണ് തിരച്ചിൽ തുടങ്ങിയത്. മുൻപ് രക്ഷാപ്രവർത്തനത്തിനായി പോയ രണ്ട് യുവാക്കൾ ഇവിടെ കുടുങ്ങിയ സാഹചര്യത്തിലാണ് ഹെലികോപ്റ്ററിലെത്തി സ്ഥലത്ത് പരിശോധന നടത്താൻ തീരുമാനിച്ചത്. സൈന്യത്തിലെയും വനംവകുപ്പിലെയും അംഗങ്ങളാണ് തിരച്ചിൽ നടത്തുന്നത്. രാവിലെ 8 മണിക്ക് പരിശോധന തുടങ്ങും എന്ന് പ്രഖ്യാപിച്ചിരുന്നു. എന്നാൽ പ്രദേശത്ത് മഴ പെയ്തിരുന്നതിനാൽ ഹെലികോപ്റ്റർ ഉപയോഗിച്ചുള്ള രക്ഷാദൗത്യം 12 മണിയോടെയാണ് ആരംഭിച്ചത്. കൽപ്പറ്റ ടൗണിലെ എസ്കെഎംജെ സ്കൂളിൽ മെഡിക്കൽ സെൻ്ററും ഗ്രൗണ്ടിൽ ഹെലിപാടും ഒരുക്കിയിട്ടുണ്ട്. തിരച്ചിലിൽ കണ്ടെത്തുന്നവരെ ഹെലികോപ്‌റ്ററിൽ തന്നെ സ്കൂളിലെ മെഡിക്കൽ സെൻ്ററിലെത്തിക്കും.
Rescue operation started with helicopter at Soochipara.
